നിങ്ങള്ക്ക് സാമൂഹ്യബോധമുണ്ടോ?
സഹജീവികളോട് സഹാനുഭൂതിയുണ്ടോ?
നിങ്ങളെ പോലെ തന്നെ ജീവിക്കാന് അര്ഹതയുള്ളവരെ കുറിച്ച് നിങ്ങള് ഇത് വരെ ചിന്തിച്ചിട്ടുണ്ടോ?
മുല്ലപ്പെരിയാര് അണകെട്ട് ഇന്നോ നാളെയോ പൊട്ടി തെറിക്കും..
നിങ്ങള് ഇവിടെ ഇങ്ങനെ അനങ്ങാ പാറ പോലിരിക്കുന്നത് മനസ്സാക്ഷിയുടെ കുറവ് കൊണ്ട് മാത്രമല്ലെ.,...
ഇതൊന്നും എന്റെ വാക്കുകളല്ല.. ഒരാറു മാസം മുന്പ് ഇവിടെ പല വേദികളിലും പല മഹാന്മാരും ഉദ്ഘോഷിച്ച മൊഴിമുത്തുകള് ആണ്. ഇപ്പോള് അവര് തിരക്കിലാണ്..
ഏതൊരു സാധാരണ മാധ്യമത്തെ പോലെയും തരം
താണിരിക്കുന്നു.. പുതിയ വാര്ത്തകളില് പഴയ വാര്ത്തകള് മുങ്ങി പോയിരിക്കുന്നു...
അടുത്ത വാര്ത്ത അന്വേഷിച്ചു മുല്ലപെരിയാരിനെയും മറന്നു മുന്നേറിയിരിക്കുന്നു.. (അപ്പൊ ഇത്രെയേ ഉണ്ടായിരുന്നുള്ളൂ ആ അണകെട്ടിന്റെ പ്രാധാന്യം?)
അടുത്ത വാര്ത്ത അന്വേഷിച്ചു മുല്ലപെരിയാരിനെയും മറന്നു മുന്നേറിയിരിക്കുന്നു.. (അപ്പൊ ഇത്രെയേ ഉണ്ടായിരുന്നുള്ളൂ ആ അണകെട്ടിന്റെ പ്രാധാന്യം?)
എന്റെ അറിവ് ശരിയാണെങ്കില് മുല്ലപെരിയാര് പൊട്ടി തെറിച്ചിട്ടില്ല ഇത് വരെ..
ഇപ്പോഴും അതിന്റെ പരിസര പ്രദേശങ്ങളില് ജീവിച്ചവര് അവിടെ തന്നെയുണ്ട്.. (അതോ ഈ മഹാന്മാര് കൂട്ടം ചേര്ന്ന് പോയി അവരെ പുനരധിവസിപ്പിച്ചോ?)
ആ ആവേശം കണ്ടപ്പോള് ഞാനന്ന് തെറ്റിദ്ധരിച്ചു പോയി.. ഇവരൊക്കെ കൂടി എന്തൊക്കെയോ ചെയ്യാന് പോകുന്നു എന്ന്..
ഇല്ലന്നെ.. എല്ലാം വെറും നാടകങ്ങള്..
(ഒരു പക്ഷെ നിങ്ങള് പറയുമായിരിക്കും, അവര് എന്നല്ല ആര് കൂട്ടിയാലും ഒന്നും നടക്കില്ല.. അതു വ്യവസ്ഥിതിയുടെ തകരാറാണ്.. അതിനു ഒരു കൂട്ടത്തെ പഴിച്ചു അവരെ നിരുത്സാഹപ്പെടുത്തരുത് എന്നൊക്കെ.. )
ഇറ്റലിയും, സോണിയ ഗാന്ധിയും, മന്മോഹന് സിങ്ങും, മുസ്ലിം ലീഗും എല്ലാം കൂടി നല്ല വിരുന്നൊരുക്കിയിരിക്കുന്നു... അപ്പോള് നമ്മുടെ വികാരം കൊണ്ട സര്വ്വ ചേട്ടന്മാരും മദാമ്മയുടെയും, വെള്ള പട്ടാളത്തിന്റെയും വിശേഷം അറിയാന് ഓടിയിരിക്കുന്നു.. പിന്നെ മുല്ലപെരിയാര് നോക്കാനും അവര്ക്ക് വേണ്ടി എഴുതി കൂട്ടാനും എവിടെ സമയം അല്ലെ..
പുതിയ വിഷയങ്ങളെ തൃണവല്ഗണിക്കൂ എന്നല്ല എന്റെ ആഹ്വാനം..
പക്ഷെ കാട്ടി കൂട്ടിയ ആവേശത്തിന്റെ അളവല്പ്പം കുറയ്ക്കാമായിരുന്നു ചേട്ടന്മാര്ക്ക്...
ഇത്തരം കൊപ്രയങ്ങള്ക്ക് കൂട്ട് നിലക്കത്തവരെ പഴിക്കാതിരിക്കാമായിരുന്നു, ഇത് പോലൊരു മറവി ഇവര്ക്ക് സാധ്യമാകുമായിരുന്നെങ്കില്..
1 comment:
media bharikkunna nada keralam.ithalla ithilappuravum undakum.sadaranakaru vishwasikalalle.viddikalaya pothujanam vidikalayi kondeyirikkunnu....
Post a Comment